لاہور( ڈیلی پاکستان آن لائن ) وزیراعلیٰ پنجاب مریم نواز نے پاکستانی طلباء کو انٹرنیشنل نیوکلیئر سائنس اولمپیاڈ میں شاندار کامیابی پر مبارکباد دی ہے۔

وزیراعلیٰ مریم نواز نے کہا کہ محمد طیب،عمار اسد،رواح جاوید اور تطہیر آئمہ نقوی جیسے ہونہار طلبہ نے عالمی سائنسی مقابلے میں گولڈ،سلور اور برانز میڈلز جیت کر وطن عزیز کا وقار بلند کیا ہے۔ نیوکلیئر سائنس اور دیگر جدید علوم میں پاکستان کا مستقبل روشن ہے۔

وزیراعلیٰ مریم نواز نے کہا کہ ہونہار طلباء نے ثابت کر دیا کہ پاکستانی نوجوان عالمی افق پر نئی تاریخ رقم کر سکتے ہیں۔