سورس: Wikimedia Commons

واشنگٹن (ڈیلی پاکستان آن لائن) آل نیپون ایئر ویز کی ایک پرواز میں اُس وقت سنسنی پھیل گئی جب ایک مسافر نے دورانِ پرواز جہاز کا ایمرجنسی دروازہ کھولنے کی کوشش کی۔ ٹوکیو سے ہیوسٹن جانے والی فلائٹ NH14 کو اس واقعے کے بعد فوری طور پر امریکہ کے شہر سیاٹل میں ایمرجنسی لینڈنگ کرنا پڑی۔

عینی شاہدین کے مطابق مذکورہ شخص نے اچانک اپنی نشست سے اٹھ کر دروازے کی طرف لپکنے کی کوشش کی، تاہم دیگر مسافروں نے فوری طور پر حرکت میں آ کر اُسے پکڑ لیا اور زِپ ٹائیز سے باندھ کر قابو میں رکھا۔ جہاز کے کپتان نے صورتحال کو مدِنظر رکھتے ہوئے فلائٹ کو سیاٹل کی طرف موڑ دیا جہاں یہ محفوظ لینڈ کر گئی۔