لاہور ( ڈیلی پاکستان آن لائن ) ملک میں جب بھی کوئی آفت آئی ہم کسٹمز ہیلتھ کیئر سوسائٹی کی ٹیموں کے ساتھ سب سے پہلے پہنچے ،وہ سندھ کا دور افتادہ علاقہ ہو یا بلوچستان کا ،خدمت اور علاج کا یہ سفر 3 دہائیوں سے جاری ہے ،ان خیالات کا اظہار کسٹمز ہیلتھ کیئر سوسائٹی کے زیر اہتمام افطار ڈنر کے موقع پر ڈاکٹر آصف محمود جاہ وفاقی ٹیکس محتسب نے کیا .

انھوں نے کہا ملک میں جب بھی سیلاب آیا یا زلزلہ نے تباہی مچائی ہم نے موقع پر پہنچ کر متاثرین کی ہر ممکن مدد کی ،ہماری ٹیموں نے تھر کے علاقے میں جہاں جوہڑوں سے انسان اور جانور پانی پیتے تھے وہاں میٹھے پانی کے 2 ہزار کنوئیں اور اتن ہی ہینڈ پمپ لگوائے۔اسی طرح بے گھروں کے لیے گھر تعمیر کر کے دیئے ۔اسی طرح روہنگیا کے مسلمانوں اور غزہ کے مظلومین کی بھی ہر ممکن مدد کی یہ سفر آپ سب کے عطیات اور تعاون سے ہی ممکن ہوا۔

افطار ڈنر سے الماس جوندہ،ڈاکٹرحذیفہ،پروفیسر مزمل احسن اورڈاکٹر فیاض احمد رانجھا نے بھی خطاب کیا ۔