2025-08-01 HaiPress
لاہور ( ڈیلی پاکستان آن لائن )چیئرمین سی ایم کمپلینٹ سیل کا فوری ایکشن،تلاشی کے نام پر معصوم بچوں کو تشدد کا نشانہ بنانے پر چاروں ڈولفن پولیس اہلکار معطل کر دیئے گئے ۔
تفصیلات کے مطابق وزیراعلیٰ پنجاب مریم نواز کی ہدایت پرمعصوم بچوں پر تشدد کے واقعہ پر چیئرمین سی ایم کمپلینٹ سیل شعیب مرزا نے فوری نوٹس لے لیا۔قادر پور اں میں مبینہ تشدد پر4 ڈولفن پولیس اہلکاروں کے خلاف فوری ایکشن لے لیاگیا۔ایس ایس پی آپریشن ملتان نے ڈولفن اہلکار اسد،نبیل، وقاض اور جنید کو معطل کرنے کا آرڈر جاری کر دیاہے۔ڈولفن پولیس کے چاروں کانسٹیبلز کے خلاف محکمانہ کارروائی کا آغاز بھی کر دیا گیا ہے۔17 سالہ ملک داؤد عمران موٹر سائیکل پر کسی دوکان سے کولڈڈرنک خریدنے آیا تو ڈولفن اہلکاروں نے اسے دھر لیااور تلاشی کے بعد تشدد کا نشانہ بنا کر تھانہ قادر پوراں لے گئے۔
چیئرمین سی ایم کمپلینٹ سیل شعیب مرزا نے واقعہ کا علم ہوتے ہی متعلقہ پولیس حکام سے رپورٹ طلب کر لی ۔ چیئرمین کمپلینٹ سیل شعیب مرزا نے کہا ہے کہ عوام کی جان ومال اور عزت و نفس کا تحفظ وزیراعلیٰ پنجاب مریم نواز کی ترجیحات میں شامل ہے۔عوام با لخصوص بچوں کے ساتھ ظلم و زیادتی کسی صورت برداشت نہیں کی جائے گی۔
08-01
08-01
08-01
08-01
08-01
08-01
08-01
08-01
08-01
08-01
