کیف: یوکرینی کرنل کو قتل کرنیوالے روسی خفیہ سروس کے ارکان خصوصی آپریشن میں ہلاک

2025-07-14 HaiPress

کیف (ڈیلی پاکستان آن لائن)یوکرینی انٹیلی جنس ایجنٹس نے روسی خفیہ سروس کے سیل کے ارکان کو ہلاک کر دیا، جن پر گزشتہ ہفتے یوکرین کی سکیورٹی سروس (ایس بی یو) کے کرنل کو قتل کرنے کا شبہ تھا۔

ڈان اخبار میں شائع برطانوی خبر رساں ادارے ’رائٹرز‘ کی رپورٹ کے مطابق انٹیلی جنس ایجنسی نے ایک بیان میں کہا کہ یہ آپریشن روس کی فیڈرل سیکیورٹی سروس (ایف ایس بی) کے ایجنٹوں کی گرفتاری کے لیے کیا گیا تھا، جن پر یقین ہے کہ کیف میں ایس بی یو کرنل ایوان ورونووچ کے قتل میں ملوث تھے۔

ٹیلیگرام میسجنگ ایپ پر جاری بیان میں کہا گیا کہ خصوصی آپریشن کیا گیا، جس کے دوران روسی ایف ایس بی کے ایجنٹ سیل کے ارکان نے مزاحمت شروع کی، جس کے نتیجے میں انہیں ہلاک کر دیا گیا۔

روسی حکام نے ہونے والے اس آپریشن پر فوری طور پر کوئی تبصرہ نہیں کیا، جو کہ ان گزشتہ کارروائیوں کی یاد دلاتا ہے، جن میں یوکرین نے روسی اعلیٰ فوجی افسران کو نشانہ بنایا، یہ ماسکو کی بڑی خفیہ ایجنسیوں کے لیے باعثِ شرمندگی رہا ہے۔

ایس بی یو نے کہا کہ ایک مرد اور ایک خاتون پر ورونووچ کو قتل کرنے کا شبہ ہے، یہ نہیں بتایا گیا کہ کتنے مشتبہ ایف ایس بی ایجنٹس ہلاک ہوئے۔

ایس بی یو کے مطابق، مبینہ قاتلوں کو ان کے ہینڈلر کی طرف سے ہدف کی نگرانی کرنے اور اس کی نقل و حرکت کا پتہ لگانے کی ہدایت دی گئی تھی، بعد میں انہیں ایک چھپنے کی جگہ کے کوآرڈینیٹس دیے گئے جہاں انہیں ایک سائلنسر والا پستول ملا۔

یوکرینی ایجنسی نے کہا کہ قتل کے بعد وہ ’چھپ کر‘ رہنے کی کوشش کر رہے تھے، لیکن ایس بی یو اور پولیس نے انہیں تلاش کر لیا۔

یہ ایجنسی سیکیورٹی اور انسدادِ جاسوسی کے امور کی نگرانی کرتی ہے، لیکن روس کی 2022 میں یوکرین پر حملے کے بعد سے یہ ماسکو کے خلاف خصوصی کارروائیوں، بشمول ٹارگٹ کلنگ اور تخریبی حملوں میں بھی نمایاں کردار ادا کر رہی ہے۔

ڈس کلیمر: اس مضمون کو دوبارہ پرنٹ کرنے کا مقصد مزید معلومات فراہم کرنا ہے اس کا مطلب یہ نہیں ہے کہ یہ ویب سائٹ اس کے خیالات سے متفق ہے اور نہ ہی یہ کوئی قانونی ذمہ داری قبول کرتی ہے۔ اس سائٹ پر موجود تمام وسائل انٹرنیٹ سے جمع کیے گئے ہیں اور صرف سیکھنے اور حوالہ دینے کے لیے شیئر کیے گئے ہیں اگر کوئی کاپی رائٹ یا دانشورانہ املاک کی خلاف ورزی ہو تو براہ کرم ہمیں ایک پیغام دیں۔

سب سے نیا

انٹربینک میں ڈالر 1روپے 22پیسے ،اوپن مارکیٹ میں 2روپے سستا

07-25

مختلف شہروں میں مرغی کے گوشت کی قیمت بڑھ گئی

07-25

راولپنڈی بڑی تباہی سے بچ گیا، فتنہ الخوارج کا خطرناک دہشت گرد گرفتار

07-25

بھارتی فوج کا ایئر ڈیفنس نظام دراصل ایک افسوسناک کہانی اور کھلا مذاق ہے: ہرجیت سنگھ

07-25

دلجیت دوسانجھ کی سوشل میڈیا ویڈیو پر سجاد علی کا 'راوی ،گانا

07-25

پاکستان سکول سپورٹس فیڈریشن کی پہلی الیکٹو جنرل کونسل میٹنگ، 22 رکنی کابینہ منتخب

07-25

لیجنڈ ریسلر ہاگن دل کا دورہ پڑنے کے باعث چل بسے

07-25

روس میں مسافر طیارہ گر کر تباہ، تمام افراد ہلاک

07-25

راولپنڈی میں باپ اور بیٹے کو فائرنگ کر کے بےدردی سے قتل کر دیا گیا

07-25

پاکستان کے ہر ادارے کو چاہیے ملک و قوم کی خاطر اپنا کردار ادا کرے اور سب کو یہ کرنا پڑے گا،چودھری پرویزالہیٰ

07-25