بھارت میں آہستہ آہستہ سچ کو سامنے لایا جا رہا ہے ۔۔۔تسلیم بھی کیا جا رہا ہے۔۔۔ نریندر نے کیسے کیا سرینڈر جاننے لگے ہیں ۔۔۔عوام کا رد عمل بھی آہستہ آہستہ احتجاج کی شکل اختیار کر رہا ہے ۔۔۔جو لوگ سوال کرنے سے گھبراتے تھے اب آہستہ آہستہ سوال پوچھنے لگے ہیں ۔۔۔صدائیں بلند ہو رہی ہیں ۔۔۔تنقید ہر گزرتے دن کیساتھ بڑھتی جا رہی ہے ۔۔۔میڈیا نے جو مقام کھویا ہے اسے پانے میں ناجانے کتنے برس لگے فی الحال عوام ان پر خوب ”برس “ رہے ہیں اور ابھی تو ”برسات “ شروع ہوئی ہے ۔

ہر گزرتے دن کیساتھ بھارت کی سفارتی ناکامیوں میں خود بھارت کے اندر اضافہ ہو رہا ہے ۔۔۔ بڑے بڑوں کے استعفے مانگے جا رہے ہیں ۔۔۔اپوزیشن جماعت کانگریس سوال پہ سوال کر رہی ہے۔۔۔مودی سرکار کا اصل چہرہ بے نقاب کر رہی ہے۔ انتہاپسند حکومت کو سفارتی کمزوریوں اور غیر شفاف پالیسیوں پر آڑے ہاتھوں لیاجا رہا ہے۔کانگریس کا ”ہرکھلاڑی ایگریسو بیٹنگ“ کر رہا ہے ، چوکے چھکے لگ رہے ہیں ۔۔۔ مثال کے طور پر ایک”سیاسی کھلاڑی“ کو لے لیجیے تلنگانہ کے وزیر اتم کمارریڈی نے کہاکہ ”بھارت کے رافیل طیارے آپریشن سندور میں مار گرائے گئے۔ چیف آف ڈیفنس سٹاف جنرل انیل چوہان نے بھی رافیل طیاروں کے گرنے کی تصدیق کی ہے۔ مودی جھوٹے ہیں ،بی جے پی حکومت سچائی چھپانا بند کرے، حکومت کی طرف سے مسلسل انکار دراصل اپنی ناکامیوں کو چھپانے کی کوشش ہے۔ صدرٹرمپ نے جنگ بندی کا اعلان کیا توبھارت کے ڈی جی ایم او کو کیوں خاموش رکھا گیا ؟ بھارتی عوام مودی سرکار کے پروپیگنڈے سے ہوشیار رہیں اور اصل حقائق کو جاننے کی کوشش کریں“۔

نوٹ: ادارے کا لکھاری کی آراء سے متفق ہونا ضروری نہیں ۔