اسلام آباد(ڈیلی پاکستان آن لائن) وفاقی وزیر بحری امور جنید انوار نے میری ٹائم ایجوکیشن اینڈومنٹ فنڈ کا اعلان کردیا، اس رقم سے ساحلی آبادیوں کے نوجوانوں کو بااختیار بنایا جائے گا۔

نجی ٹی وی نیوزسماکے مطابق وفاقی وزیر بحری امور جنید انوار چوہدری کے مطابق میری ٹائم ایجوکیشن انڈومنٹ فنڈ سے ساحلی آبادی میں مقیم بچوں کو وظائف دیئے جائیں گے، تاکہ مستحق، باصلاحیت طلبا کی معیاری تعلیم تک رسائی ممکن ہوسکے۔

انہوں نے کہا کہ فنڈ کو مستقبل میں قومی سطح پر وسعت دی جائے گی اور اس کے نظم و نسق کیلئے کمیٹی تشکیل دی جائے گی تاکہ وظائف کی منصفانہ تقسیم یقینی بنائی جاسکے۔