سورس: PixaHive

ریاض (ڈیلی پاکستان آن لائن) ایک نئی تحقیق میں انکشاف ہوا ہے کہ آج کے بنجر عرب خطے میں چار سو سال قبل بارشوں کی شدت موجودہ دور کے مقابلے میں پانچ گنا زیادہ تھی، جس کی وجہ سے یہاں کا موسم اور زمین کی ساخت بالکل مختلف تھی۔ یہ نتائج ظاہر کرتے ہیں کہ عرب کا موجودہ ریگستانی علاقہ کسی وقت ہریالی سے بھرا ہوا تھا جس میں گھاس کے میدان موجود تھے۔ تحقیق سے یہ بھی معلوم ہوتا ہے کہ خطے میں بڑھتی ہوئی شہری ترقی کے پیش نظر بہتر ماحولیاتی منصوبہ بندی ناگزیر ہو چکی ہے۔

یہ تحقیق معروف سائنسی جریدے سائنس ایڈوانسز میں شائع ہوئی ہے۔ اس کے مطابق یونیورسٹی آف میامی روزن سٹیل سکول آف میرین، ایٹموسفیئرک، اور ارتھ سائنسز کے ماہرین نے دریافت کیا کہ گزشتہ دو ہزار سال کے دوران جزیرہ نما عرب میں بارش کی مقدار کافی زیادہ رہی ہے۔ ماہرین کے مطابق دو سو سال قبل بھی یہاں کی سالانہ بارشیں آج کے مقابلے میں دگنی تھیں۔ یہ علاقہ جو اب بنجر اور خشک نظر آتا ہے، کبھی گھنے جنگلات، مختلف نباتات اور جنگلی حیات سے بھرا ہوا تھا، جہاں شیر، چیتے اور بھیڑیے عام پائے جاتے تھے۔