دبئی (ویب ڈیسک) انٹرنیشنل کرکٹ کونسل (آئی سی سی) نے تینوں فارمیٹ کی نئی رینکنگ جاری کردی ہے، 50 اوورز کے فارمیٹ میں بابر اعظم اور کپتان محمد رضوان کی تنزلی ہوئی ہے۔

نجی ٹی وی ایکسپریس نیوز کے مطابق آئی سی سی کی جانب سے ٹیسٹ، ون ڈے اور ٹی 20 کی نئی رینکنگ جاری کی گئی ہے جس میں قومی ٹیم کے کپتان محمد رضوان کی تنزلی جبکہ سعود شکیل اپنی جگہ برقرار رکھنے میں کامیاب رہے۔

ٹیسٹ بیٹسمین رینکنگ

ٹی 20 کے ٹاپ ٹین بلے بازوں میں بابر اعظم اور محمد رضوان شامل ہیں جو 7ویں اور 9ویں پوزیشن حاصل کرنے میں کامیاب رہے۔

ٹی 20 بولنگ رینکنگ

مختصر اوور کے فارمیٹ کی بولنگ رینکنگ میں ویسٹ انڈیز کے عقیل حسین پہلے نمبر پر رہے اور انہوں نے انگلینڈ کے عادل رشید کی جگہ پر قبضہ کرلیا۔

عادل رشید ایک درجہ تنزلی کے بعد دوسرے، بھارت کے ورن چکرورتی تین درجہ ترقی کے بعد تیسرے نمبر پر آئے۔ ٹاپ 20 بولرز میں کسی بھی پاکستانی کھلاڑی کا نام شامل نہیں ہے۔

ٹی 20 آل راؤنڈر رینکنگ

اس کیٹگری میں بھارت کے ہاردک پانڈیا پہلے، نیپال کے دیپندر سنگھ ایری دوسرے، آسٹریلیا کے مارکس اسٹوئنس ایک درجہ ترقی کے بعد تیسرے، افغانستان کے محمد نبی بھی ایک درجہ ترقی کے بعد چوتھے نمبر پر آگئے۔

پاکستان کے سابق آل راؤنڈر عماد وسیم ایک درجہ تنزلی کے بعد 13ویں سے 14ویں پوزیشن پر پہنچ گئے۔