لاہور(ڈیلی پاکستان آن لائن)بہتر مستقبل کیلئے کرکٹر عثمان قادر آسٹریلیا چلے گئے۔

نجی ٹی وی سما نیوز کے مطابق انٹرنیشنل کرکٹرعثمان قادر نے نیو ساؤتھ ویلز میں رہائش اختیار کرلی ،عثمان قادر سڈنی میں ہاکسبری کلب کی جانب سے کھیل رہے ہیں،عثمان قادر نے گزشتہ سال اکتوبر میں پاکستان کرکٹ سے ریٹائرمنٹ لی تھی،عثمان قادر اپنے مرحوم والد عبدالقادر کی خواہش پر آسٹریلیا چھوڑ کر پاکستان آئے تھے۔

عثمان قادر نے ساؤتھ آسٹریلیا کی نمائندگی کی، پرتھ، ایڈیلیڈکی جانب سے بی بی ایل بھی کھیلی ،عثمان قادر کو آسٹریلیا کی پرائم منسٹرالیون کی جانب سے بھی کھیلنے کا اعزاز ملا،عثمان قادر نے ایک ون ڈے،25ٹی ٹوئنٹی انٹرنیشنل میچز میں پاکستان کی نمائندگی کی۔

عثمان قادر کا کہنا ہے کہ کرکٹ ہی میرا روزگار ہے، مستقبل کے پلان کے ساتھ آسٹریلیا آیا ہوں،پرامیداورپرعزم ہوں کرکٹ میں ہی مجھے اچھے مواقع ملیں گے۔