سابق ’را‘ چیف اے ایس دلت نے دورانِ انٹرویو صحافی کو دھکے دیکر باہر نکال دیا

نئی دہلی ( مانیٹرنگ ڈیسک ) بھارتی صحافی نے انٹرویو کے دوران سابق ’’را‘‘ چیف سے پاک ،بھارت کشیدگی سے متعلق سوال پوچھا تو جواب میں بھارتی خفیہ ایجنسی ’’را‘‘ کے سابق سربراہ امرجیت سنگھ دلت (اے ایس دلت) نے بھارتی صحافی کو دھکے دے کر نکال دیا۔

’’جنگ ‘‘ کے مطابق بھارتی صحافی نے سابق ’’را‘‘ چیف سے پہلگام واقعے کے بعد کی صورتِ حال سے متعلق پوچھنا شروع کیا اور پاک ،بھارت کشیدگی سے متعلق بات چیت کی۔اس دوران صحافی نے اے ایس دلت سے سوال کیا کہ ہمیں معلوم ہوا ہے کہ آپ نے پاکستان کا دورہ کیا ہے۔

جس پر اے ایس دلت نے کہا کہ آپ مجھے اس بات کا ثبوت دیں کہ میں نے پاکستان کا دورہ کیا ہے۔

ایک موقع پر اے ایس دلت شدید غصے میں آ گئے اور انہوں نے صحافی کو گالیاں دینا شروع کر دیں اور مائیک اٹھا کر پھینک دیا۔