واشنگٹن (ڈیلی پاکستان آن لائن )مائیکروسافٹ کے بانی اور دنیا کے امیر ترین شخصیات میں سے ایک بل گیٹس نے بالآخر اپنی گرل فرینڈ کے بارے میں لب کشائی کردی۔

نجی ٹی وی ایکسپریس نیوز کے مطابق غیرملکی میڈیا کو انٹرویو میں بل گیٹس نے بتایا کہ پاولا ہرڈ سے تعلقات سنجیدہ نوعیت کے ہیں۔ میں خود کو خوش قسمت سمجھتا ہوں۔

69 سالہ بل گیٹس نے اپنی گرل فرینڈ پاﺅلا ہرڈ سے تعلقات پر کہا کہ ہم دونوں ایک ساتھ بہت اچھا وقت گزار رہے ہیں۔

بل گیٹس نے بتایا کہ ہم دونوں اولمپکس میں بھی جا رہے ہیں اور وہاں بہت سے یادگار دن گزاریں گے۔

اپنی طلاق سے متعلق بل گیٹس نے کہا کہ میری زندگی کی سب سے بڑی غلطی طلاق تھی جس کا پچھتاوا بھی سب سے زیادہ ہے۔27 سال بعد بل گیٹس نے ملینڈا کو طلاق دی تھی

یاد رہے کہ بل گیٹس اورملینڈا کی طلاق 2021 میں ہوئی تھی۔