نئی دہلی (ویب ڈیسک) امریکا میں 4بھارتی باشندوں کو انسانی سمگلنگ اور جبری مشقت کے الزام میں گرفتار کیا گیا ہے۔ جنہیں گرفتار کیا گیا ہے اُن میں 24 سالہ چندن دیسیریڈی، 31 سالہ دوارکا گونڈا، 31 سالہ سنتوش کٹکوری اور 37 سالہ انیل مالے شامل ہیں۔

"آج نیوز" کے مطابق پرنسٹن، نیو جرسی سے گرفتار کیے جانے کے بعد ان چاروں بھارتی باشندوں پر انسانی سمگلنگ کے الزام میں مقدمہ دائر کیا گیا۔ایک فون کال کی بنیاد پر جب حکام نے کارروائی کی تو معلوم ہوا کہ یہ لوگ کولن کاؤنٹی میں جبری مشقت کا ریکٹ بھی چلارہے ہیں۔