میکسیکو سٹی (آئی این پی )میکسیکو نے امریکہ سے ڈی پورٹ ہونے والے تارکین کو لانے والے امریکی فوج کے طیارے کو اترنے کی اجازت دینے سے انکار کر دیا ۔

برطانوی خبر رساں ادارے کے مطابق امریکہ اور میسکیکو کے سرکاری عہدیداروں نے حوالے سے تصدیق کی ہے۔ انہوں نے بتایا ہے کہ ڈونلڈ ٹرمپ انتظامیہ کی جانب سے میکسیکو سے درخواست کی گئی تھی کہ جہاز کو لینڈنگ کی اجازت دی جائے۔ رپورٹ کے مطابق امریکہ کے فوجی طیاروں نے جمعے کو گوئٹے مالا کے لیے ایسی ہی دو پروازیں کیں اور دونوں بار بار 80، 80 تارکین کو لے جایا گی تاہم میکسکیو کی جانب سے انکار کے بعد امریکی حکومت میکسیکو کی حد تک اپنے منصوبے پر عملدرآمد کے قابل نہیں رہی۔ امریکہ اور میکسیکو کے سرکاری حکام نے واقعے کی تصدیق کی۔میکسیکو کی وزارت خارجہ کی جانب سے ایک بیان میں کہا گیا تھا کہ ہمارا ملک امریکہ کے ساتھ بہت اچھے تعلقات رکھتا ہے اور امیگریشن سمیت دوسرے معاملات پر تعاون بھی کیا ہے۔

بیان کے مطابق جب لوگوں کو واپس بھجوانے کی بات ہو گی تو ہم ہمیشہ اپنے ہاں میکسیکو کے باشندوں کی آمد کو قبول کریں گے۔میسکیو کے سرکاری عہدیدار نے جہاز کو اترنے کی اجازت نہ دینے کے پیچھے کارفرما کسی وجہ کے بارے میں نہیں بتایا جبکہ دوسری جانب وزارت نے ابھی تک اس واقعے کے حوالے سے کوئی بات نہیں کی۔ ٹرمپ انتظامیہ نے رواں ہفتے کے آغاز میں اعلان کیا تھا کہ اس پروگرام کو نئے سرے سے لانچ کرنے جا رہی ہے جس کو ریمین ان میکسیکو کے نام سے جانا جاتا ہے۔ یہ پروگرام میکسیکو سے تعلق نہ رکھنے والے ان سیاسی پناہ کے متلاشیوں پر زور دیتا ہے کہ وہ تب تک میکسیکو میں ہی رہیں جب تک امریکہ میں ان کے کیس حل نہیں ہو جاتے۔